IJAMBO RYO GUKIZA

IJAMBO RYO GUKIZA – Kuwa 21 Gicurasi 2025

YESU NI UMUCAMANZA UDUKWIRIYE W'IMPUHWE N’URUKUNDO – NSHUTI WISUZUME: ESE URACYAYOBORWA NAWE?

1 Petero 4:5 – "Nyamara bazabibazwa n'uwiteguye guca imanza z'abazima n'abapfuye."

Uyu munsi, turahamagarirwa kwibuka ko Yesu ari Umucamanza w’ukuri, ariko wuzuye imbabazi n’urukundo. Yifuza ko twisuzuma buri munsi, tukareba niba dukiri mu nzira ye, niba twumva kandi tukumvira.

Yesu aravuga: “Reka njye mbe Umucamanza, kuko nzi imitima yanyu yose. Nzi ibanga ry'umutima wawe n’iry’umuturanyi wawe.”
Isomo: Yohana 5:22, Abaroma 14:10-13

Ntitwahamagariwe gucira abandi imanza. Twahamagariwe kwisuzuma, tugakura mu mitima yacu icyasha cyose, tukemera kuyoborwa n’Umwuka Wera.

2 Abakorinto 13:5 – "Mwigenzure murebe ko mukiri mu kwizera."

Isengesho ry’umunsi:
Mwami Yesu, ndagushima ko uri Umucamanza uduhugura mu rukundo n'Imbabazi. Ndagusaba ko umbabarira aho ntakigukurikira uko bikwiye. Nsubiza ku murongo wawe mporane Nawe. Unyuzuze Umwuka wawe Wera, unyigishe kunesha ikibi cyose no gusenga aho guhugira mu gucira abandi imanza. Amen.

KUMVA NO KUMVIRA BIRAKIZA – Ijambo ry’Imana rizima, ryubaka, ryigisha, rikiza.
Ukoreshe iri jambo wumvise usuzume wibaza at'Ese ndacyayoborwa na Yesu?